d
Follow us

Dəyərli Məsləkdaşlarımız

4-6 iyun 2020-ci il tarixlərində Azərbaycanın paytaxtı Bakı şəhərində baş tutacaq “2-ci Azərbaycan Hematologiya Mütəxəssiləri Konqresi”nə qeydiyyatın başlanılmasını Sizlərə bidirməkdən qürur duyuruq!

22-25 May 2019 tarixlərində baş tutmuş geniş miqyaslı “1-ci Azərbaycan Beynəlxalq Hematologiya Mütəxəssisləri Konqresi” uğurla başa çatmışdır. Kongresə 20-dən çox ölkədən 128 məruzəçi, 800-ə yaxın iştirakçı qatılmışdır. Elmi hissə tərəfindən 32 şifahi məruzə, 43 poster məruzəsi qəbul olunmuşdur və tibb işçilərinin iştirakı ilə yüksək səviyyəli elmi toplantı baş tutmuşdur. Konqresin ilk günü, ölkəmizdə ilk dəfə olaraq “Flow cytometry və sitogenetika” kursu keçirilmişdir. Xaricdən dəvət olunmuş genetika və pato-histologiya sahəsində tanınmış mütəxəssislər təcrübələri ilə bölüşmüş, ölkəmizin müxtəlif regionlarından kursa qatılmış laboratoriya və genetika mütəxəssisləri yeni biliklərə yiyələnmişdirlər. Konqres çərçivəsində Azərbaycanda ilk olaraq tibb bacıları simpoziumu keçirilmişdir.

“1-ci Azərbaycan Beynəlxalq Hematologiya Mütəxəssisləri Konqresi”ndən əldə etdiyimiz təcrübə və məlumat mübadiləsi, beynəlxalq əlaqələrin genişlənməsi ənənəsinin növbəti konqreslərimizdə davam edəcəyinə ümid edirik.

Konqres klinik araşdırmalarda son nailiyyətləri izləmək, elmi araşdırılmaları sərgiləmək və eyni zamanda Azərbaycan qonaqpərvərliyini görmək baxımından böyük şans verir. Sizləri Konqresdə görməkdən xoşbəxtlik və məmnunluq duyardıq. 4-6 iyun 2020-ci il tarixlərində keçiriləcək, “2-ci Azərbaycan Hematologiya Mütəxəssisləri Konqresi”nə qeydiyyatdan keçməyə dəvət edirik!

Dərin hörmət və səmimiyyətlə,
Dr. Valeh Hüseynov
Konqresin sədri

Dr. Afaq Nəsibova
Konqresin Elmi Katibi